Найз нөхдийн ихэнх нь надтай адилхан гэр бүлтэй болоод хэдэн жилийн нүүр үзчихсэн. Сайн муу аливааг хамтдаа туулчихсан, нэгээс хоёрын зэрэг бага насны хүүхэдтэй болчихжээ. Аливаа зөрчилдөөн хаана ч байдгийн адил янз бүрээр зөрчилдөөд эвлэрэхдээ эвлэрээд, эвлэрэхээсээ өнгөрөөд саллаа гэчихсэн явж байх нь байх юм.
Бас нэг дотны хүн гэр бүлээсээ салчихлаа.
Айл гэрийн хоёрын ар талд байгаа найзууд болон гэр бүлийнхэн нь жинхэнэ тэр хүнийг залж байдаг бололтой юм. Аав ээж ах эгчийнх нь үг нөлөөлөхгүй байна гэж байхгүй. Харин тэр үгийг хэт дагах уу, эсвэл авахыг аваад хаяхыг нь хаях уу гэдэг нь цэвэр өөрийнх нь ухаан юм. Саяхан салсан дотны хүний эхнэр нь байнга хэрүүл өдөөд л, амар заяаг нь үзүүлэхгүй, чи шөнийн ажилтай юм чинь яагаад ч зүгээргүй байгаа гэж хардаад л, ийшээ гарахдаа зайл гэж хараагаад, тийшээ гарахдаа яв гэж хөл рүү нь өшиглөөд хэвтэж амраахгүй болсоор хэдэн сар боллоо. Тэгээд салахгүй болохоор нь ажил дээр нь очиж бусниулаад /эгчтэйгээ шүү, эгч нь оролцож л байдаг/, аав ээж ах дүү нарыг нь доромжилж тэсвэр тэвчээрийг алдуулаад манай хүн ч яах уу, түлхээд автал зодсон барьсан болоод цагдаад баривчуулна энэ тэр гээл, ёстой ядаргаатай. Үгүй чи яг яагаад салах гээд байгаа, юу нь болохгүй байна гэхээр хэлчихээр шалтгаан байхгүй, энэ намайг тоохгүй байгаан гэсэн хариултыг өгөөд байдаг.
Сайн мэддэг хүмүүсын хувьд, залуу нь бол гайгүй цалинтай ажил хийдэг, архи уугаад шоудаад байдаггүй, тамхи татдаггүй, зөөлөн талын хүн. Хүүхэн нь гав шав хийсэн, галзуу хөнгөн талдаа, дээд мэргэжил энэ тэргүй ч гайгүйхэн мөнгө олоод л байдаг.
Тэгээд яах уу хүүхэн нь сална гэж зүтгэсээр байгаад л салчихлаа. 2хон настай охиноо ч бодоогүй шинжтэй, зөвхөн энэнээс л салж байвал боллоо гэсэн үнэлэмжээр л салчих шиг боллоо.
Өөр нэг найз маань сална барина гээд саяхан бас шийдчихсэн явж байна.
Ингээд бодохоор ямар ч хосуудад ер нь салчихдаг ч юм уу гэж цөхөрч боддог үе зөндөө байна л даа. Тэхдээ яг ингэж бодонгуутаа л зарим нэг юмыг сайн бодоод үзээсэй гэж хэлэх гэсэн юм.
- Хэрвээ нөхөр чинь архи уугаад л агсан согтуу тавиад, зодож нүдээд, ар өврөөр тавиад байдаг уу. Хэрвээ нөхөр чинь ажил хийх дургүй, зорилгогүй, амьдрах тэмцэлгүй, энүүгээр тэрүүгээр сэлгүүцээд л, шоудаад цаг нөхцөөж амьдраад, ганцхан чи л амьдралын төлөө тэмцээд байна уу.
Эндээс л салах гээд байгаа нөхрийн ерөнхий ноён нуруу харагдана биз дээ. Ерөнхийдөө гайгүй хүн бол цаашдаа залаад аваад явчихад гайгүй, тэр тоохгүй байна, энэ тэр гэсэн шалтгаан бол шалтгаан биш. Ер нь салж барьж, хүүхэд шуухадаа өнчрүүлэх хэрэг байна уу гэдгийг л сайн бодох хэрэгтэй.
Манай нэг ахын эхнэр нь дээр үед бас явчихсан. Хүүтэй байсын. Хавийн хүүхдүүд баяр ёслолоор ээж ээж гэж гүйлдээд л манай дүү их өрөвдөлтэй байж билээ. Хамгийн анх цагаан сар болсон чинь ээжүүд бэлэг тараагаал, айлын хүүхдүүд бэлгээ үзэж гүйгээд байсан чинь манай дүү гал тогооны өрөөнд орчихсон ганцаараа уйлаад, буруу харчихсан зогсож байсышд. Өрөвдөлтэй байгаа биз. Тэр үед дүү маань 4-хөн настай байсан. Одоо бол 10 настай, дүүргийн тооны олимпиадад ороод гараад ирдэг, мундаг гавал дүү бий. Хэрвээ ээж нь яваагүй, өдийд элэг бүтэн айл байсан бол лав л их сайн бахархууштай хүүтэй байх байсан юм.
"Энэ ээж аавынхаа үгнээс гарахгүй тэнэг" гээд нөхрөө буруутгаад байдаг хүмүүс байдаг. Тэрийг бол давуу тал болгоод ашиглаад байж яагаад болохгүй гэж. Хүн айж эмээх хүнтэй байна гэдэг чинь том зүйл. Аав ээжээсээ айж эмээдэг гэр бүлийн хүмүүжил сайтай хүмүүс бол ер нь гайгүй шүү.
Хамгийн сүүлд хэлэхэд анх суухдаа л бүсгүй та номер нэг байсан бол цаашдаа ч номер нэг байгаарай. Уяхан ааш, уран нарийн ухаанаараа амьдралаа, гэр бүлээ нэр төртэй зохицуулаад, эр нөхрөө бүх талаас нь байлдан дагуулж явахад бүх юм танаас л шалтгаална. Нэр төртэй зохицуулна гэдэг бүх юманд өөрөө хөлсөө гоожтол гүйхийн нэр биш ээ. Ер нь бол салалтын ихэнх нь аль алинаас нь болж байгаа. Энэ бичлэгт бол зөвхөн эмэгтэй талаас нь бичлээ.
Сэтгэгдэлүүд:
Тэр өөр хүүхэн солих донтой нөхөр бол ер нь дэмий байх өө миний бодлоор.
Цаг болоод хань минь гараад ирэхээр ямархан гэргий болдог юм бол доо би.
Салах л байсан бол юу бодож суусан юм бүү мэд. Мэдээж бүх замын турш анх байсан шиг дандаа сайхан юм тохиолдохгүй. Сайхан муухай өчнөөн л юм болно. Хүнд хэцүү, сайхан муухай бүхнийг хамт туулж байж амьдралыг хүний дайтай авч явна биз дээ уг нь.
Найзын дээр бичсэн хоёр төрлийн салалт бол ёстой гай л байна. Иймэрхүү салалтууд шал утгагүй санагдаад байдаг юм. Тэгээд ч хүүхнүүд хардахаараа шал тэнэг хий хоосон юм ургуулж бодоод солиорч, ааш зангаа эвдэж эцэстээ юу юу ч үгүй болдог шд.
Миний мэдэхийн нөхрийн талаас болсон хоёр салалт байгаа.
Нөхөр нь эхнэрээ хүндлэхээ больсон (угаасаа бусад хүнтэй ч бас хүндлэлгүй харьцдаг хүмүүжлийн доголдолтой), нөгөөх нь ээж аавын хүмүүжил сайтай сайн хүү боловч хадам эх нь хүүгээ хармалсаар байгаад салгаад авчихсан. Нөгөөх нь ээжийнхээ үгнээс гарахгүй эхнэр хүүхдээ юу ч болоогүй юм шиг хамаг юмтай нь гэрээсээ хөөгөөд л гаргаж байдаг.
Миний бодлоор гэр бүл болж байгаа 2 хүнд хоёуланд нь үүрэг хариуцлага байх хэрэгтэй гэж бодож байна үүрэг гэж манай ихэнх гэр бүлүүд сайн ойлгодоггүй. Гэр бүл болоо үүрэг хариуцлага гэхээр л амьдралаа авч явах мөнгө орон байр гэх мэт материаллаг зүйл дээр нь анхаараад байгаа юм энэ бол бас нэг хэсэг нь гэхдээ гол үүрэг хариуцлага бол эм эр 2 өөрсдийн өссөн төрсөн орчиноо өөрчиллөж хажууд байгаа хүнийхээ зан төлөв болон бусад хүсэл сонирхолийг харилцан хүлээж өөрсдийн шинэ орчинг бий болгодог. Яагаад гэхээр энэ орчинд хүмүүжиж байгаа хүүхдэд энэ орчин нь тэр хүүхдийн амьдралын орчин нь болоод л явчихна.Мөн хажуудах хүнээ яаавал аз жаргалтай байлгах гэсэн санаа сэдэлтэй тийм л шинэ орчинг бүрдүүлдэг гэтэл зарим залуус яг аав ээж шигээ амьдарах гээд байдаг энэ байдал нь эхнэр болон нөхөрт нь таалагдаггүй яагаад гэхээр тэр хүн бас л өөр орчинд өссөн хүн шүү дээ ингээд л зөрчил гараад л улам лавшираад л 2 биенээ буруутагаад л тэгээд л эцсийн зөв шийдэлт салалт болж байна
Миний бодлоор 2 хүн айл болон амьдарч байгаа бол 2 биенийхээ дутагдалтай болон авууштай талуудыг хэнээс ч дутахгуй харж ойлгож эхэлдэг тэгээд л зарим нь манай нөхөр танай хүнээс шал өөр ёстой авах юм байхгүй гэх юм уу эсвэл манай энэ авгайгийн байж байгааг ээ гэж дотроо гож шилэж эхэлдэг энэ нь тухайн хүмүүс хань ижлээ он цагийн явцад сайн мууг нь мэдээд ирж байгаа хэрэг юм л даа.Харин залуус салах л гол шийдэл нь юм шиг байдаг би энэ хүний өмнө болон гэр бүлийн өмнө хүлээсэн үүрэг бол харилцан бие биенээ ойлгох гэдгийг мартдаг удаан амьдрах явцдаа хань ижилийнхээ сайн талыг нь илүү олж харахыг хичээдэггүй ханийхаа сайн талыг нь хэлчихвэл улам хамараа сөхөчихнө гэж боддог ч юм уу чи тэгээж ингээж гэж шүүмжлэлтэй хандаж муу талыг нь харах тусмаа тухайн хүн сайн талгүй мэт цаашид бодогдож бодсон бодол нь улмаар лавширдаг.Тэгвэл хань ижил нь үнхээр муу хүн үү үгүй юу гэдэг нь тухайн хүний нийгэм хамт олонтойгоо биеэ хэрхэн авч яваа гээд л бусад харилцах харьцаанууд орох л болно.Яагаад гэхээр салсан хосууд зарим нь өөр хүнтэй суугаад сайхан л амьдардаг тэгээр тэр эр болон эм муу талтай байгаагүй л байгаа байхгүй юу. Миний бодлоор гэр бүлээ зохицуулан авж явж чадахгүй байгаа эр эм 2ланд нь буруу бий харилцан бие биенийхээ үгийг авахгүй байна бас тэвчээр дутагдалтай байна болохгүй байгаа өөрт дотор бодогдож байгаа бодлоо хань ижилтэйгээ зөвшилцөхгүй өөрсдөө өөрсдийн бодолоор шийдээд байна бас хамт амьдарч байгаа хүнийхээ яриад байгааг энэ чинь юу билээ яах вэ үүнийг яаж шийдэх вэ гэж дотоод сэтгэлдээ бодохгүй хаяа ч болов буулт хийх ухаан дутагдаж байна харилцан 2-лаа тэвчээртэй ярилцах /ярилцах гэдгийг хэрүүлтэй холиод байна аа/ хэрэгтэй юм шиг ээ энэ бол миний бодол
салах нийлэхийг санааны зоргоор шийддэг болчихоод байгаа нь харамсалтай.
хариуцлага бас ухаан, тэвчээр хүүхэд гээд бодох асуудал их баймаарсан.
хэврэг болжээ, хүмүүний сэтгэл болоод амьдрал хайр дурлал гэгч!
Сэтгэгдэл үлдээх: